श्रद्धा म्हणेचच विश्वास.

विधिलिखित

 खरी अंधश्रद्धा कोणती?

फुले, शाहू, आंबेडकर यांनी शिवरायांना मानले,

शिवरायांनी संत तुकारामाना मानले,

संत तुकाराम महाराज यानी विठ्ठल-पांडुरंगाला मानले,

पांडुरंग दगडाचा देव, त्या मुर्तीला पूजतो मी.

दगडाला देव मानणारा आस्तिक आहे मी.

माझ्या घामाचेच पैसे दानपेटीत टाकतो मी.

का?

--अन्नदान होते.

--दवाखाना चालतो.

--शिक्षण संस्था चालते.

--परिसराचा विकास होतो.

आणि हो...

-देव/मंदिर फक्त भटजीसाठी नसतात.

-- मुर्तीकार,

-- फुलझाडे लावणारा शेतकरी,

-- फुले विकणारा माळी,

-- बेल आणणारा मजूर,

-- बेल विकणारा गुरव,

-- नारळ, प्रसाद विकणारा दुकानदार,

-- हॉटेल चालक,

-- स्टेशनवरून भक्तांना मंदिरापाशी आणणारा रिक्षा चालक,

-- मंदिर बांधणारे ईंजिनिअर, गवंडी, मजुर,

हे सर्वजण काही भटजी नसतात पण या सर्वांचा चरितार्थ या देवावरच चालतो.

म्हणून सांगतो, या सर्वात देवत्व शोधणारा माणूस आहे मी.

दगडाला देव मानणारा आस्तिक आहे मी.

दानपेटी घेऊन फिरत नाही दारोदारी.

"पूजा करा... पूजा..." म्हणत भटजीही फिरत नाही घरोघरी.

अभिषेक करताना देतो ज्ञानाचीच शिदोरी.

कशी?

-तो सूर्याला देवता मानतो,

-तो पाण्याला देवता मानतो,

-तो भूमिला देवता मानतो,

-तो अग्नीला देवता मानतो,

-तो वायूला देवता मानतो,

अभिषेक म्हणजे काय करतो?

पंचभूताना देवता मानतो, पर्यावरणाचे स्मरण करतो.

पंचप्राणालाच देव मानणारा आहे मी.

निसर्गात देवत्व जाणणारा आस्तिक आहे मी.

अंधश्रद्धेला थारा नाही, श्रद्धाच जपतो मी.

जादूटोणा, चमत्कार, बुवाबाजीला फटकारतो मी.

दगडाच्या देवापुढे झुकणारा आस्तिक आहे मी.

तो दगडाचा देव वसतो नदीच्या किनारी, सागराच्या तीरावर, गिरी पर्वतावर अथवा खोल दरीत.

अशा स्थळी भेट देणारा निसर्ग प्रेमी आहे मी.

दगडाला देव मानणारा आस्तिक आहे मी.

निंरतर अंधश्रद्धा हा शब्द केवळ धार्मिक बाबतीतच लावला.

हे त्यांचे स्वार्थ म्हणावा का अज्ञान?

कोणीही उठायाच आणि आध्यात्मिक, धार्मिक गोष्टीला अंधश्रद्धा म्हणावे.

हे सर्व काय आपल्या भारतीय संतापेक्षा ग्रेट आहेत का?

नाही... मुळीच नाही.

स्वतःला विज्ञानवादी म्हणून घेणारे लोकच अंधश्रद्धेला बळी पडले आहेत.

विज्ञानाचा आधार घ्यावा पण अध्यात्माला नांवे ठेऊन नव्हे.

विज्ञान अध्यात्माचा बोट धरून चालले आहे.

प्रथम श्रद्धा म्हणजे काय?

श्रद्धा म्हणेचच विश्वास.