पॉजिटीव्ह बातमी.

           साधारण १० दिवसांपूर्वी माझ्या परिचयातले एक कुटुंब करोना पॉजिटीव्ह झाले. त्यात पहिला व्हॅक्सीनचा डोज घेतलेले दोन सिनियर सिटीझन आणि दोन चाळिशीतील 'तरुण' होते. त्यांच्या टेस्ट्स १६ तारखेला झाल्या व टेस्ट्सचे रिपोर्ट्स १८ तारखेला आले होते. चौघांनाही ताप होता आणि त्यातील एकाला श्वास घ्यायला अधून-मधून त्रास होत होता. हे सगळं होत असताना टीव्हीवर बातम्यांमधून बेड्स नाहीत, ऑक्सिजन नाही, औषधं नाहीत, रक्त नाही, आयसीयू मध्ये होरपळून लोकं मरत आहेत, लॉकडाऊन होणार, लाखोंच्या संख्येत रेकॉर्ड आकडे, स्मशानाची चिमणी जळली, स्मशानभूमीतील जळते सरण विझेना, सामूहिक अंतिम संस्कार वगैरे बातम्या दिवस-रात्र सुरू होत्या. त्याने ही लोकं अजून खचून गेली होती. त्यात, जवळच्या तीन-चार हॉस्पिटलमध्ये कॉल केले तर त्यांना बेड्स नाहीत असं सांगण्यात आलं होतं. तेंव्हा माझं या सर्वांशी बोलणं झालं. 'सगळं संपलंय' हेच यांना वाटत होतं. धीर देणं हे माझं काम होतं, मी ते काम जमेल तेवढं केलं. पण, तेवढ्याने काही होणार नव्हतं. त्यांना मदतीची गरज होती. पण, 'मी स्वतः येतो आणि मदत करतो' म्हणायला मी काही सुपरमॅन नाही! माझा हेतू चांगला आणि माझी मदत करायची इच्छा असली तरीही ते त्या करोनाला कुठं कळणार होतं? अहो मलाही माझा जीव प्यारा आहेच की..

          मग डोकं लावलं. प्रत्येक शहरात well-furnished फ्लॅट्स विकणारे बिल्डर आहेत. फ्लॅट्स मध्ये सगळ्या सुख-सोयी असतात, तिकडे कोणी राहायला आलेलं नसतं आणि फक्त अंगावरच्या कपड्यावर थेट अशा फ्लॅट्स मध्ये माणूस राहायला जाऊ शकतो. सध्या असे हजारो फ्लॅट्स पडून आहेत बिल्डरांकडे. मग, माझ्या ओळखीच्या एका बिल्डरला फोन केला. त्याला सांगितलं की दोन well-furnished आणि well-ventilated फ्लॅट्स( 2BHK) सात दिवसांसाठी हवेत. किरकोळ लक्षणं असलेले 4 पेशंट्स आहेत, तिकडे आयसोलेशन मध्ये राहतील आणि कुठेही बाहेर पडणार नाहीत. गरज पडतील ती सर्व औषधं आणि जेवण बाहेरून पुरवलं जाईल आणि त्यातील कोणीही इमर्जन्सी नसेल तर घराबाहेर पडणार नाही याची गॅरंटी दिली. बिल्डरने साधारण 'होम-स्टे' च्या किंमतीत फ्लॅट्स दिले. तसाही त्यांचा पण धंदा ठप्प आहे..

          डॉक्टरांनी दिलेल्या सल्ल्यानुसार त्यांनी औषधे घेतली - फक्त एक अँटी-बायोटिक्सचा कोर्स, ताप येईल तेंव्हा डोलो, प्रोन पोजिशन मध्ये दिवसातून 4 वेळा झोपणे, भरपूर पाणी पिणे, लिंबू-पाणी, बिकोझिंक (2 रुपये प्रति टॅबलेट दिवसातून एकदा), फ्लॅट मध्ये फ्रेश खेळती हवा आणि जास्तीतजास्त आराम. आज सगळ्यांचे रिपोर्ट निगेटिव्ह आलेत. आज त्यांचं घर सॅनिटाईज करायच्या सर्व्हिसेस देणारी एक टीम येऊन पूर्ण घर सॅनिटाईज करणार आहे आणि उद्या सगळे घरी जातील. याकाळात व्हॅक्सीन घेतलेल्या दोन्ही सिनियर सिटीझनना अजिबात त्रास झाला नाही हे विशेष. पुन्हा एकदा कन्फर्म करण्यासाठी अजून चार दिवसांनी पुन्हा एकदा सगळे टेस्ट करतील, पण आता त्यांच्या मनात कसलीही भीती नाही. यातच त्यांचा विजय आहे!

          तात्पर्य हे की हॉस्पिटल, ऑक्सिजन, महागडी औषधे, त्रास आणि चिंता काहीही न करता चौघेही बरे झालेत. यात फक्त एकच महत्वाची गोष्ट ही होती की एकाला लक्षणं दिसताच त्यांनी सगळ्यांच्या ताबडतोब टेस्ट केल्या. संपूर्ण आजारपणात चौघांचा एकूण खर्च 35-40000 पण नाही झाला. त्यात ते हा सगळा काळ अतिशय प्रसन्न वातावरणात होते आणि आजूबाजूला कुठलीही निगेटिव्हीटी नव्हती..

          अजिबात काळजी करू नका, लाखो लोकं बरी होत आहेत. संधी मिळताच ताबडतोब व्हॅक्सीन घ्या आणि लक्षणं दिसताच टेस्ट करा. टेस्ट करायला तर बिलकुल घाबरू नका. लवकर निदान झाले तर तुमचे डॉक्टर तुम्हाला घरबसल्या बरं करतील. The key is EARY DIAGNOSIS! आणि करोना पॉजिटीव्ह आहात सांगितलं की तुम्ही निगेटिव्ह होऊ नका, तुम्ही पण पॉजिटीव्ह रहा. तुम्ही पॉजिटीव्ह रहाल तर करोना निगेटिव्ह होणार..

- वेद कुमार.

काल अजून 4 जणांच्या एका फॅमिलीची अशीच व्यवस्था केली आहे. त्यांनी मराठी बातम्या बघायच्या सोडून दिलेत. सगळे मस्त आहेत..

-------------  Whatsaap Collection  -------------